nangungulila ako

matulin ang takbo ng mga sasakyan

singbilis ng tinatahak kong buhay

na minsa'y nagnais na guminhawa

magnamnam ng paligid

bumagal

sa radyo

patuloy na tumutugtog

ang kanta ng syudad,

ang pook kung saan ako nadala

ng aking mga kamay.

mabilis ang takbo ng buhay

natulak ng urbanindad

ang payak kong kaluluwa

nagnanais na bumalik sa tahimik kong bayan.

sa kandungan ng aking mga magulang.